न्यूनतम मासिक पारिश्रमिक श्रावण १ देखी १३,४५० रुपैयाँ बाट वृद्धि भएर १५,००० हुने।

आउदो आर्थिक बर्षबाट कामदारको न्यूनतम मासिक पारिश्रमिक १३,४५० बाट अब १५,००० रुपैयाँ हुने भएको छ।

गत शनिबार १३२ औं अन्तर्राष्ट्रिय श्रम दिवसको अवसरमा भाषण दिँदै प्रधानमन्त्री केपी ओलीले न्यूनतम मासिक ज्याला २०२१/२२ को शुरुबाट संशोधित गरिने बताउनुभए लगतै श्रम, रोजगार तथा सामाजिक सुरक्षा मंत्रालयले नेपाल सरकार को तर्फ बाट सोमवार अधिकारिक सूचना नै प्रकाशन गरेको छ।

श्रम कानून २०१७ ले हरेक दुई बर्षमा कामदारहरूलाई न्यूनतम तलब संशोधन गर्न खोजे तापनि यस पटक सरकारले तीन वर्षको अवधि पछि मात्र संशोधन गर्दैछ। २००७ मा सरकारले मजदुरहरुलाई आधारभूत तलब निर्धारण गरेदेखि सरकारले न्यूनतम तलब संशोधन गरिरहेको यो सातौं पल्ट हो। ऐन, २०७४ को दफा १०६ को उपदफा (३) ले दिएको अधिकार बमोजिम संवत २०७८ साल श्रावण १ गते देखि उक्त संशोधन लागु हुने भएको छ।

यस अघि सरकारले २०१८/१९ को बजेटमार्फत न्यूनतम पारिश्रमिक १३,४५० रुपैयाँमा बढाएको थियो जुन अघिल्लो न्यूनतम मासिक पारिश्रमिक ९७०० रुपैयाँ भन्दा ३८.६५ प्रतिशतले बढी हो।

श्रावण १ देखि अब मासिक आधारभूत पारिश्रमिक ९,३८५ रुपैयाँ हुने र ५,६१५ रुपैयाँ भत्ता गरि जम्मा १५,००० रुपैयाँ हुने भएको छ।