Blog

Kumari Job is the perfect platform if you are looking for jobs and also looking for candidates.

जेष्ठ नागरिकलाई मासिक एक हजार भत्ता

विराटनगर–विराटनगर उपमहानगरपालिकाले १०० वर्ष पुगेका जेष्ठ नागरिकलाई मासिक एक हजार रुपैयाँ भत्ता दिने भएको छ। आर्थिक वर्ष ०७३/७४को बजेट सार्वजनिकीकरण कार्यक्रममा उपमहानगरपालिकाले १०० वर्ष पुरा गरेका नगरवासी जेष्ठ नागरिकलाई नगरपालिकाले सरकाले दिने सामाजिक सुरक्षा भत्ता बाहेक मासिक थप एक हजार रुपैयाँ भत्ता दिने जनाएको हो। बजेट सार्वजनिकीकरण कार्यक्रममा उपमहानगरपालिकाका कार्यकारी अधिकृत गोपालप्रसाद रेग्मीले नगरपालिकाले मनोरञ्जनका लागि निर्माणाधीन इको पार्क यसै वर्ष भित्र निर्माण सम्पन्न गर्ने र मिनि चिडियाखानाको निर्माण पनि थाल्ने जानकारी दिए। यस्तै विराटनगर उपमहानगरपालिकालाई कलर जोनको रुपमा विकास गर्ने, विद्युत बचत गर्न एल् इडी चिमको प्रयोग गर्ने,फोहोरमैलाको व्यवस्थापन गर्ने नगरवासीलाई घरजग्गा करमा १० प्रतिशत छुट दिने व्यवस्था पनि गरिएको छ।

घरमा सोलार जडान गर्नेहरूलाई घर नक्सा पास दस्तुरमा २० प्रतिशत छुट गर्ने व्यवस्था पनि गरिने भएको छ। उपमहानगरपालिकाले आर्थिक वर्ष ०७३/७४का लागि करिव ५० करोड रुपैयाँ बजेट सार्वजनिक गरेको छ। अनुमानित रकम मध्ये २२ करोड ७९ लाख रुपैया" आन्तरिक श्रोतबाट,सरकारी अनुदानबाट २५ करोड रुपैयाँ, दातृ निकायबाट १ करोड १५ लाख र जनसहभागिताबाट ९८ लाख रुपैयाँ आम्दानी गर्ने अनुमान गरेको छ।